Not sure if this is Ulster-Scots, but here goes.  It was written in 1917:

Am comin’ noo tae a very important place ca’d Killybegs, on the sea coast, an’ yin o’ the nicest wee places yin cud weesh for. This is anither terminus o’ a branch o’ the wee Donegal railway, an’, like ither places, the road an’ the rail rins sidey for sidey.  Killybegs has yin o’ the best an’ safest harbours in Ireland, an’ has a depth o’ 24 feet at the deep water pier, which they say cost £10,000. There’s a lichthoose at the entrance, at a place ca’d Rotten Rock, an’ the quay is juist close tae the hotel on the ither side o’ the street.  A guid when o’ships o’ the Armada wur wrecked alang this coast, an’ yin o’ the Spanish captains wha escaped frae a wreck said the Irish wur guid luckin’, the weemen beautiful but badly clothed. (I suppose that was afore the days o’ the Donegal tweed). The people lieve on yin male a day o’ oaten breed an’ soor milk, an’ meat on fast days.  Weel, there has been a change since then, for ivery body lucks tae hae plenty tae baith eat an’ drink in Donegal.